Wybierz filię:
Plac Pod Lipami 1; 3-3a ul. Obr. Westerplatte 10 ul. Gen. J. Hallera 28
slider_gawlik_wyniki
Kopia Kopia SCRABBLE
kolekcje
slajder straszki skarbnik
tak powstała slider
polskie symbole narodowe slajder. strona
IMG_0628 Plac Pod Lipami 1; 3-3a

W ślonski kuchni!

31.03.2020

Nie mitrynżcie czasu bez ta kwatantanna! Nie tropcie sie, trza to łobstoć! A my dzisiaj momy dlo wos przepis/zagadka!

Kożdy wie, że jak trwoga to do… kuchni! Przepis podajymy trocha ku pośmioniu się, trocha ku sprowdzeniu, a monyj udo wom się zgodnonć co to za jodło my tu łopisali!
Wrzucomy też łobrazek ślonskij kuchni… IMG_0628 Filujcie porzondnie, bo mocie wskazówki, kere rzeczy trza łopisać po ślonsku!
Fto z wos porwiy sie do warzynio i zgadywanio, niech nom wyśle fotografka i łodpowiedzi! Hned MDK bydzie zaś łotwarty i dlo najlepszych bydom geszynki!

 

Czekomy na: wydarzenia.giszowiec@mdk.katowice.pl

 

ZACZYNOMY!

 

Normalnie najprzod trza iść na torg. Ino rano, bo potym psinco dostaniecie! U kerejś z ulubionych omów kupić jarzyny: markew, pietruszka (korzyń!), łogórki kiszone, kartofle. Nie filować na frele i chopców gryfnych, ino iść po wajca, najlepij te łod szczynśliwych kur. I masno wyndzonka u masorza! Po majonyz to już możecie sie pylnonć kajś do geszeftu, no i toć, że broć Kelecki! I kilo sztromu, pra? ;)
Teroz sytuacjo trocha inkszo. Trza siedzieć na… W doma, w doma trza siedzieć! Ale cuzamen do kupy, wszycko idzie kupić za jednym rozem, w jednym sklypie! (polecomy robić lista na cołki tydzień, dwa tydnie i łazić jak najrzodzij!:)) I pamientyjcie:
-idźcie piechty albo włosnym ałtem
-biercie maska na gymba, glazyjki (ino tym rozym plastykowe) na łapy
-w raji stojcie dwa mytry łod siebie
-drobnioki zostowcie w bajtliku, bulcie kartom
-jak już musicie charlać, to kryjcie gymba w łokieć
W doma łopultocjie wszystko wodom, ino PORZONDNIE! Popsikejcie szczewiki kerym płynem do dezynfekcji, łapy myjcie bez 30 sekund, najlepij do szlagierów „Frel”, dziołchy som bez uroku!
Jarzyna trza umyć w ausgusie (ino jej nie szkrobcie przed warzyniem) i uwarzyć (ino nie łogórka!). Jak już bydzie miynko niczym syrca modzików we wiośnie, tedy łobierzcie, potym pokrojcie w kostka. Ino nie żodnym pitwokiem! Wyndzonka tyż w kostka i na tyglik, podsmażyć aż bydzie woniać szpyrkami w całyj chałpie. Wajca uwarzyć na twardo, i ku woszymu zaskoczeniu, tyż pokroć w kostka! Teroz wom trza wielego waszpeka, oma monyj mo, szczyrknijcie do babki, bydzie jej miło. Ino nie leźcie jej do chałpy i dejcie pozór na korona! Niech wom zostawi w sieni! (możecie jej też podciepnonć jakeś siaty z zakupami, trza dboć o familijo!)
Jak już mocie waszpek, babka doceniono i zaopiekowano, wciepujecie wszystko pospołu! I teroz moc istotny: majonyz! Nie mocie, co żałowoć, mo być porzondnie! Wszycko trza wyfyrlać, ale nie łonaccie za mocno, bo sie zrobi paćka i po ptokach. A mo być elegancko, mocie czuć te kosteczki coś je tak akuratnie kroli! Jak już wszycko mo konstystencjo …………………… (tukej trza pedzieć, co to za jodło nom wyszło) to wiycie, żeście zrobili dobro robota! Teroz ino łoporzondzcie kole siebie, bajzel posprzontejcie, bo to źle na humor wpływo, a łodkond robiemy na hom ofisie, dobrzy jest ło to dboć!
Chowcie sie, PYRSK!

Newsletter:
NAJNOWSZY PROGRAM W FORMACIE PDF POBIERZ
ZASADY BEZPIECZEŃSTWA COVID-19 SZOPKI 2018-2019 - plakat A2 OST na krzywe SENIORZY 2018-2019 - plakat nr 1 SLIDER - Termomodernizacja 2018